Shabanova Gunel

Mən Şabanova Günel, 2024-cü ildə Azərbaycan Dillər Universitetinin Tərcümə fakültəsini bitirmişəm. Təhsil aldığım müddətdə ingilis dilinin öyrədilməsi ilə bağlı müxtəlif metodikaları mənimsəmiş, həm nəzəri, həm də praktiki biliklərimi inkişaf etdirmişəm.

Artıq 1 ildir ki, həm şagirdlərə, həm də ingilis dilini 0-dan öyrənmək istəyən yetkin şəxslərə fərdi və ya qrup şəklində dərslər keçirəm. Dərslərim həm onlayn, həm də əyani şəkildə aparılır və hər bir tələbənin yaşına, səviyyəsinə və məqsədinə uyğun formada planlaşdırılır. Danışıq, qrammatika, dinləmə və yazı bacarıqlarının inkişafına xüsusi diqqət yetirirəm. Hər bir dərs interaktiv və motivasiyaedici mühitdə keçirilir.

Bundan əlavə, ibtidai sinif şagirdləri ilə də çalışıram. Azərbaycan dili, riyaziyyat və ingilis dili fənləri üzrə hazırlıq dərsləri təklif edir, həmçinin ev tapşırıqlarının yerinə yetirilməsində və digər məktəb dərslərində köməklik göstərirəm. Məqsədim, uşaqlarda öyrənməyə maraq yaratmaq və onlara möhkəm təməl qazandırmaqdır.

Əgər siz və ya övladınız dil öyrənmək, dərslərdə geriləmədən irəliləmək və yeni biliklər qazanmaq istəyirsinizsə, mənimlə əlaqə saxlaya bilərsiniz. Səbirli, diqqətli və uşaqlarla işləməyi sevən bir müəllim kimi, öyrənmək prosesini asan və maraqlı etməyə hazıram