Qaybaliyeva Fidan

Salam, mən İngilis dili müəlliməsiyəm və bir neçə ildir bu sahədə fəaliyyət göstərirəm. Müxtəlif təhsil müəssisələrində işləmək imkanım olub – bunlara Kaspi Təhsil Mərkəzi, ISOPS, Avropa Azərbaycan Məktəbi, CELT Colleges və digər yerlər daxildir.

Bu yerlərdə qazandığım təcrübələr mənə həm peşəkar bacarıqlarımı inkişaf etdirməyə, həm də müxtəlif yaş qruplarından və səviyyələrdən olan tələbələrlə işləməyi öyrənməyə kömək edib. Mən ümumi ingilis dili dərsləri ilə yanaşı, IELTS hazırlığı üzrə də dərs deyirəm.

Dərslərimdə interaktiv və motivasiyaedici üsullara üstünlük verirəm. Müasir tədris metodlarından istifadə edərək, danışıq, yazı və dinləmə bacarıqlarını inkişaf etdirməyə fokuslanıram. Hesab edirəm ki, öyrənmənin effektiv olması üçün müsbət və rahat mühit çox vacibdir.

Bundan əlavə, öz üzərimdə daima işləyirəm – təlimlərdə iştirak edir, yeni tədris metodları ilə tanış oluram. Mənim əsas məqsədim tələbələri ruhlandırmaq, onların potensiallarını üzə çıxarmağa kömək etmək və ingilis dilini sevdirməkdir.