Меджидзаде Азизаханым

Salam! Mən Əzizəxanım Məcidzadə, Bakı Dövlət Universitetində "Yerquruluşu və Daşınmaz Əmlakın Kadastrı" ixtisası üzrə təhsil alıram.

Hər nə qədər ixtisasım fərqli olsa da, Riyaziyyat, Məntiq və İngilis dili sahələrində güclü nəzəri biliklərim var və bu sahələrə dərin maraqla yanaşıram.

Uşaqlarla işləməyi və öyrətməyi çox sevirəm. Hər bir şagirdimə fərdi yanaşaraq, onlara öyrənməyi sevdirir və biliklərini möhkəmləndirirəm. Dərslərimi uşaqların yaş və səviyyəsinə uyğunlaşdıraraq, interaktiv anlayışa əsaslanan və maraqlı şəkildə təqdim edirəm.

✓ Əsas tədris istiqamətim: 1-5-ci sinif şagirdləridir.
Bu yaş dövrü uşağın təməl düşüncə tərzinin formalaşdığı, diqqətin, məntiqin, təfəkkürün və dildə ifadə bacarığının inkişaf etdiyi ən həssas mərhələdir. Buna görə, bu siniflər üzrə tədris proqramımı xüsusi həssaslıqla və pedaqoji yanaşma ilə qururam.

Qeyd: Əlavə olaraq, ehtiyac və uyğunluq olduğu təqdirdə 6-8-ci sinif şagirdlərinə də möhkəmləndirici və təkmilləşdirici dərslər tədris edirəm.
(Fərdi şəkildə — həftədə 3 dəfə/ 90 dəqiqə)

• 1-2-ci siniflər üçün oyunabənzər, əyləncəli və əsasları gücləndirən dərs planları hazırlanarkən;
(Fərdi şəkildə — həftədə 3 dəfə/ 45 dəqiqə)

• 3-5-ci siniflər üçün möhkəmləndirici, problem həll etməyə yönəlmiş və dərindən izah verən yanaşmalara daha çox üstünlük verilir.
(Fərdi şəkildə — həftədə 3 dəfə/ 60 dəqiqə)

Qeyd: Bundan əlavə olaraq, ehtiyac və uyğunluq olduğu təqdirdə yenə qrup dərsləri (qrupda 3-4 nəfər) də keçirilə bilər!

Əziz valideynlər!
Əgər siz də övladınız üçün həm bilik, həm də sevgi dolu bir öyrənmə mühiti axtarırsınızsa, həmçinin övladınızın dərslərində möhkəmlənməsini, özünəinamının artmasını və fənlərə olan marağının yüksəlməsini istəyirsinizsə, ətraflı məlumat almaq üçün mənimlə əlaqə saxlayın!